元朗薄荷葉．享受泰式風味

自從朋友搬入屯門後，我們便少了見面呢。

今晚就約左係大家平日出沒既中間點食晚餐，一於見個靚面食餐靚飯。

因為我與朋友都唔太熟悉元朗個邊的路，所以約食飯前都問了住元朗朋友既意見，其中一間是泰國菜呢。我始終對泰式食物心思思，總想試盡不同地區的泰菜，所以就選擇了這間品評不錯的泰菜。我提早了幾天book餐廳，費事太 full 摸門釘。

我們由朗屏西鐵行路過去餐廳，好彩有google map帶路，搵左大約15分鐘就到餐廳。因為朋友遲左收工，又始終唔係太識路，搵餐廳都花左點時間，比預訂的時間遲左大半個鐘去到。

我地剛坐下不久，人流便愈來愈多，連門口位置都坐滿了！好彩無再遲d姐！

與之前去既泰式餐廳有點不同喔！朗屏薄荷葉現場環境開揚又有勁歌，牆上掛飾和佈置充滿泰式風情，好有民族feel！

環境又好relax，真的很適合一大班人黎開餐！

越式紙米卷 $88

一共有八件，外層是透明狀的紙米卷，細看仲有層層分明的沙律生菜，內有大大片三文魚和絲條狀蘿蔔絲。

配上沙律醬和醋混食， 好新鮮既組合，酸酸地挺開胃！

烤餅配班蘭咖喱超推介！$130

點菜時，待應生會問加唔加烤餅，食咖喱總要有麵包類的沾著一齊食先過癮！

烤餅真係做得好出色！香口鬆軟的麵粉皮，厚度適中，不會食到乾喉又易啃，我急不住吞食了三大塊呢！配上貌似辛辣既班蘭咖喱，但其實只是滿足了視覺上的辣，事實上這是不辣又滿足到咖喱怪既超香口curry！

椰青 @$38

這個椰青應該係我食過最薄皮和軟身的！

雖然開口位細，但用刮匙沿椰青殼邊順刮就好易刮出片片的椰肉，好軟身又易入口，真係又白又滑既椰肉呢！

泰式炒金邊粉$98

這個金邊粉要自己撈起嫁，碟邊四角都有配料，有砂糖，辣椒，蔥等。

賣相係幾吸引！外層有薄薄一層有如捕夢網既蛋膜，撈撈下都係一齊食。

我呢個重口味友覺得好似淡左d，同埋有點乾；但朋友就覺得味道正常，仲好得佢歡心添！

椰青焗飯$88

飯的配料以海鮮為主，有蝦，蠔，魷魚圈。呢個同其他重口味的食物相比下，有點失色！可能這是與椰青為主有關係，會顯得有點淡，食不出很濃烈既椰肉味。

題外話： 環境氣氛係不錯！仲留意到年輕老闆會在店內與客人聊天和推介食物，態度親民友善，難怪會坐無虛席！會推介朋友去試試菜單上其他的食物，相信會找到驚喜！

餐廳: 

元朗安康路怡康大廈地下12-13號舖  2475 5872

推介

越式紙米卷 / 烤餅配班蘭咖喱 / 椰青