前陣子，朋友帶我去附近的一間樓上cafe嘗嘗。
剛到埗時，cafe內已經有數枱客人在食東西，我們坐在較入的位置，沙發位置很舒服，
剛下班的我倆總覺得這裡有家的感覺。
我們真的太餓了所以翻翻餐牌就點了餐，猜不到食物的水準真的有驚喜。
除一般的意粉飯類，小食沙律供應外，cafe還有，all day breakfast, 串燒呢，選擇幾多元化。飲品有果茶，咖啡，soda, 奶類，原來仲有cocktail等特色飲料。
朋友那杯香蕉奶昔$40賣相很精緻，有忌廉和蕉片作裝飾，果然有精心設計，圖文並茂…嘗了一口覺得奶味好濃，是正宗蕉奶的味道呢！有點後悔沒有點這個。
雖然賣相普通，但我那杯藍莓優乳酪$40也不錯，內有切粒藍莓，yogurt 味的冰沙好滋味。而且碎冰打得好均勻，飲一口真是吞一口，不需要用牙力咬冰。
餐前先來一個小食併盤，好豐富又養眼$72, 熱騰騰三款人氣小食包括：薯條，五件麥樂雞，四隻香草雞翼，仲有沙律中和油膩感。
來cafe, 總要點一個mini pizza來陪襯一下, 想不到這個香濃忌廉海鮮pizza $35實在是香酥脆口，餐前小食太滿足了，有隻蝦和蟹柳作配料。
菠菜汁忌廉煙三文魚意粉 $68，菠菜忌廉味滿載在這個香草意粉中，小蕃茄的清新配上三文魚的魚香，真的很吸引。
但南瓜芝士海鮮翠翠焗天使麵 $78真是意料之外的好食！
芝士味真是香濃，每口都嘗到芝士的濃郁口感 。之前多數會食焗飯或意粉，但餐廳提供配天使麵真係超級正，幼麵完美地吸取了芝士的醬汁。芝士味夠重手，另外最喜歡食充滿cheese味的麵包crumbs, 脆卜卜。海鮮配料也有蟹柳，青口，魷魚圈。
飯後，我與朋友繼續雞啄不斷，談天說地，天南地北。
最後還食了店長推介的朱古力遊艇$50。
冷熱交融的口感好難忘，大大球香濃朱古力雪糕在剛剛烤熱的餅底上慢慢融化，切開餅發現還有香蕉片做饀料，微溫加上冰凍口感，層次更豐富。like this!!
下次會與朋友們再來呢～
咖啡店：
旺角登打士街36號恆威商業中心7樓
星期一至日: 11:00-00:00
3173 5209
No comments:
Post a Comment