飲夜茶．尖沙咀．點❤代表

在八月中, 又是相約食飯的日子.
特意選了就腳的尖沙咀The one.

有人建議飲夜茶, 所以就試一試点心代表~
我們七點幾去到拎籌要等好多張枱, 但大家都太餓...
所以就坐左係外面無冷氣的露天地方.

好彩露天地方涼爽, 又有大風扇吹正, 所以都唔會食到成身汗!
我們點了玫瑰普洱茶, 即計人頭的茶錢 (一位$10)

上湯鮮竹卷厚實, 有好多材料.
腐皮卷吸了上湯汁更好味~

推介這個越式雞翼, 雖然細細仔, 但香脆惹味!

頂級蝦餃皇既蝦好大隻~
而且放耐左, 蝦餃的皮都不會乾到收曬水.

食的途中, 留意到原來點心底紙的小洞都剪成一個個心心, 非常有心思!

平日飲茶都只會見到蟹籽的燒賣,
很少見有這個黑魚子的燒賣皇, 蝦肉真的很新鮮!
我發覺我地都叫左幾多籠內有蝦肉的點心呢!~

點了很多籠點心, 但似乎都不太飽肚...
其中一籠點心香炸流沙包卻有點失望, 因為包並不流沙的...

最後, 我們都點了三款甜品作結尾,
最值得推薦的是紅棗杞子糕, 紅棗糕食落好清香!
紅棗可補氣養血, 杞子明目, 特別適合女生的糕點~

飲夜茶當然不便宜,
但充滿 ♥機既點心就另作別論~