環境挺靚，忍不住拍了幾張環境圖。
白金漢宮豪華班尼迪蛋（轉豬腸）$102，名字一點都無誇張。
配料好豐富：一小盤微熱甜栗米，蕃茄沙律（加醋好味），煙肉，蘑菇，吐司，
benedict maffin 上有火腿蛋 ，麥麵包。
三款腸仔（豬腸，法蘭克福腸，辣腸）
田園烤雞早餐 $68
有煎雙蛋、烤雞排、薯餅、蘑菇等。
法式吐司配白糖霜／蜂蜜，西多略嫌有點厚身。
經典英式炸魚柳薯條 $58
Fish and chips, 熱騰騰的幼薯條好好味～
兩塊大魚柳，炸得酥脆可口，醮少許香草沙律醬再食就更滿足。
飲品是最欣賞的！
因為價錢不貴又有質量，性價比超高！
跟餐升級飲品每杯原價減$8。
薄荷朱古力$23
香濃奶滑，朱力濃郁，
由頭飲到尾，仍充滿陣陣薄荷味，飲到見底仲有朱古力漿，真係好香。
蘆薈熱情果紅茶 $20
杯底有海量大大粒的鮮蘆薈，熱情果味香濃，配紅茶，正！
手工水果茶 （整壼）$38，觀賞價值100分。
特色的台灣水果茶。底下有小火溫熱水果茶。
新鮮水果如火龍果，士多啤梨，藍莓和幾片檸檬，酸酸地好開胃，醒味蕾之選。
猜不到性價比值那麼高，下次一定再來吃～
餐廳地址：
北角明園西街2-6號明苑中心地下4號舖
推介美食：
白金漢宮豪華班尼迪蛋／經典英式炸魚柳薯條／田園烤雞早餐／
薄荷朱古力／手工水果茶 （整壼）／蘆薈熱情果紅茶
No comments:
Post a Comment