最近一個喜歡台灣菜的好友就特登約埋我來食台式菜, 令我心裏十分興奮和期待呢~
今次來到中環SOHO區一間新派台式菜餐廳 Check-In Taipei 發掘美食,
據知餐廳的主廚來頭不少, 先後在三星米芝蓮餐廳任職,
致力研發和創作一系列獨門的菜式, 將傳統的台灣菜融於現代新派台式菜.
甫進餐廳, 酒吧枱正在左手邊, 擺放著大大小小的酒款呢~
細看原來餐廳也有提供多款特色台式飲料的外帶, 相信日間必定吸引不少人來買呢~
待應生很快為我遞上 Menu 和 Drink list,
睇餐牌期間, 聽到隔離枱顧客與餐廳的職員正開心地閒聊枱上的菜式, 我們也順道聽聽 :)
我呢個酒控當然會點了一杯有酒精的飲料來過足癮~
但我呢個初哥又點知邊款岩我口味喎...
在苦惱萬分的時侯, 有一個男生朝我們走過來.
經認識後, 得知原來佢是來自台灣的調酒設計師 Shin.
我比較喜歡飲較甜的酒類, 佢用親切的台灣口音為我推介餐單上的其中兩款飲品,
1) Exclusive---Tea-ramisu (加入Vodka, 口感像甜品);
2) Best seller---Mochi Yaki (加入Rum酒, with honey).
甜品控的我當然想試甜 (品) 酒既 Tea-ramisu :)
Tiramisu 又稱提拉米蘇, 添加了新鮮的乳酪和香草味的忌廉, 喜歡甜點似的飲料.
平時只會在飯後相遇, 猜不到在飯前可以與它碰面.
待應生遞上甜酒時提醒我不要搞拌酒面上的可可粉,
只需將將餅乾棒醮點入薄薄一層可可粉的酒杯內再品嚐就可以了.
這杯Exclusive注入 Earl Grey ＆ Vodka伏特加, 茶酒相融的口感相當豐富.
餐廳晚市有提供 Set & A la carte 的選擇,
與朋友揀左一輪都係未下定主意, Shin便向我們推介頭盤小食呢!
頭盤先來 Ping Pong, Crispy Pork Knuckle & Chicken Waffle (左至右)
Ping Pong, 即紫薯波波, 賣相十分討好, 外炸內軟!
中間仲有Mochi, 愈食愈有糯香, 質感好似煙韌的糯米糍, 我要Encore呢個小食!!
Crispy Pork Knuckle, 迷你香脆豬手粒與底下軟硬適中的麵包配合得不錯,
感覺有點像滷肉飯的配料, 充滿台式風味的餐前小吃!
Chicken Waffle 即鹽酥雞, 經調味過後的麵粉漿醮上微甜的蜜糖很美味.
很喜歡這個酥脆口感的台式鹽酥雞, 包住可口滑嫩的雞肉, 使人食指大動!!
鹽酥雞塊中間夾雜著菠蘿蓉, 底部有口感鬆軟的 Waffle 做餅底,
水果配上鹽酥雞, 充實了原來香脆的口感, 食得滋味又驚喜~
再來熱盤 Pork Belly & Puree, Sweet & Sour Fish, House Calamari. (左至右)
偏食 mode 又發作了, 我從不食肥豬肉, 所以無緣品評,
但身邊的朋友大讚五花腩入口即溶. 真的十分好奇到底是什麼口感.
Sweet & Sour Fish 酸甜魚塊好香滑嫩口, 連埋魚皮一齊食, 正~
醬汁包住魚塊, 送飯一流, 建議加一口白飯在熱盤旁邊. 哈XD
House Calamari 椒鹽的炸魷魚鬚最深得我心, 炸至金黄色,
微微香辣, 酥脆可口! 充滿台灣街頭小食的風味.
再加上魷魚鬚幼身易咬, 外加海量爆香左既蒜粒和小辣椒, 無得頂!
最初對這個瓦煲五花腩 Risotto 有點猶豫卻步, 但這個是切薄片真係香脆到暈!
五花腩拍得住豬肉乾既薄．脆．香, 感覺上與肥豬肉截然不同, 已被深深迷倒~ 推介!
Risotto的飯粒粒分明, 混上忌廉和芝士使成個飯更加香味濃郁...
最估唔到既係呢個飯是加入了腐乳, 使飯汁更細膩和可口!
主菜結束, 正是甜點時間
甜品點了主廚特製的甜品Oreo Serradura, 這個真是驚喜之作!
類似木糠布甸的製法和概念, 換上Oreo碎代替餅乾碎, 朱古力迷必點.
平時食木糠甜品會總會被木糠和餅乾碎屑哽住喉嚨不舒服,
但這個由 Oreo餅碎和奶油芝士冷凍而成的甜品就沒有這個問題, 口感非常香濃幼滑.
每食一口, 舌頭都感覺到 Oreo Serradura 幼滑的口感, 豐富和刺激了我的味蕾.
建議與朋友一齊Share這個邪惡的甜品呢 :) 你一口我一口好SWEET.
想不到在港也可以食到揉合傳統與新穎風味的台式菜, 果然是 Twist 出新驚喜.
地址:
中環荷李活道27號地下 2351 2622
No comments:
Post a Comment