身在香港的我，經常都會光顧日本壽司店，可以滿足我對日式食品的慾望。
最近同朋友去左京都廣場一間日本餐廳開餐，整體覺得都不錯～
門面擺放了幾個釀酒的大木筒，旁邊還有祈福許願處呢～
店內的裝飾十分講究，牆上印有日本武士畫像，不禁使我開始想起江戶時代，哈～
另外，每當有客人入內，壽司師父和待應生都會異口同聲以日文作歡迎，充滿朝氣！
桌上又有提示牌展示廚師精選和推介⋯⋯我集中睇餐牌，因為有好多種類的野食可揀。
大家先各自點一杯特飲，
我點了豆腐冰沙，加了少許食豆腐花加的黃糖，微甜更突出豆腐的鮮味。
但我覺得SIZE細杯左D，如果加大一倍就正！！
朋友那杯曲奇冰沙應該吸引了不少甜者兒，每一口都夾雜冰和朱力味，應該都不錯～
第一道菜就有驚喜，雜錦魚生沙律好抵食，薈聚了幾款刺身！
個人覺得仲抵食過單點刺身！點這個作餐前小食嘆番將粒／塊刺身都幾正！
其實師父都切得幾大件，而且份量不少，幾十蚊就食到這個是超值！
朋友好喜歡食魚頭，特意點了一個鹽燒三文魚頭。
她覺得這個魚頭真是贏了，味道十分適中，燒的程度剛剛可以鎖住魚肉的鮮嫩。
鐵板炒帶子，這個我有點失望，因為帶子不算巨大那款，
而且不是我期望那款帶有絲狀的帶子呢，它的肉是實身的。
鰻魚炒飯（這個我飛佛！）
平時經常食的都是鑊氣小炒，收乾水的飯；今次食的卻是完全不同的口感層次！
盛載著鰻魚炒飯的石頭鍋內滋潤的飯粒襯上鰻魚醬汁真是滋味沒法擋！好香濃可口！
醬汁鎖緊在鰻魚肉內，讓人不禁多食了。我同朋友都食了兩大碗呢～
我們還點了一個烏冬，在蟹味與花膠中間掙扎了好一會兒。
兩個都係限定和限量的，但女生一聽到花膠便雙眼發光，對皮膚好既補品就最想試！
花膠雞絲濃湯的花膠味甘，飲一口湯底會品嚐到雞湯的鮮味。
價錢只需一百蚊多少少，從天然食材中補充骨膠原都是一個不錯的方法！
這個也是十分推薦的，因為真係好足料的！
但唯一美中不足的是，煲內的是長身一小塊的雞肉，而不是雞絲呢～
我覺得切成絲狀，雞絲吸盡濃湯精華，口感會仲好！！
甜品時間，大家各自點了一客日式雪糕，
這應該是從極低溫的冰櫃取出，需要耐心一等。
我喜歡芝麻味，朋友的綠茶口味都很好味，食到我們超開心的！
結語：
餐廳的環境和氣氛都挺好，整頓飯食得很舒服呢！
推介⋯⋯
雜錦魚生沙律、鰻魚炒飯、花膠雞絲濃湯
地址：
銅鑼灣駱克道491-499號京都廣場6樓 2881 7303 / 2269 5138
No comments:
Post a Comment