老蘭．泰式路邊串燒

由細都大, 老蘭給我既感覺係豪飲啤酒和失意傾心事摸杯底的地方, 但最近在蘭桂芳街頭食串燒食到好開心, 完全改觀了:)

單看門面就已經好搶眼, 有熊熊烈火在燃燒...串燒好香呀!!

雙眼被吸引過去了, 點了數款與朋友們分享.

十種泰式醬, 有辣有不辣, 店員會隨你口味附送醬汁.
泰式紅雞醬和沙爹醬都是不辣, 唔係好食得大辣既我岩曬~

啤酒的價錢都不算貴, 一路食串燒一路飲番杯都不錯~

燒菠蘿係必點...香甜又夠汁, 最重要係唔酸同埋無渣!

雞中翼燒得好香, 火爐夠大火, 燒得好入味, 好似食緊BBQ味蜜汁雞翼.

白豬肉腸有好香的豬肉香味, 肉味有點似外國All-day breakfast 既靈魂腸般.

豬頸肉, 以為係薄過紙, 但其實都有一定分量, 好厚肉, 點下沙爹醬都幾好食!  (極推!)

魷魚鬚, 好爽脆又好嚼, 燒得仲好香! (極推!)

泰國魚餅, 辣得過癮又香口, 大大塊夠飽肚! (極推!)

呢個要同朋友分食先得, 因為真係好大塊...
魚餅入面有切粒的青辣椒, 口感分量都係100分!

呢串落重本的燒白鱔最貴, 見係招牌貨就試試...朋友唔覺有特別, 但我覺得燒得好香口之餘, 又可以鎖住鮮味, 燒汁在起左魚骨既白鱔上均勻地散佈, 食落口感很Juicy!

結語：

最正係個環境, 置身係外國般, 在街頭食串燒都係頭一次, 別有風味!

推介：

燒菠蘿 / 雞中翼 / 魷魚鬚 / 泰國魚餅 / 燒白鱔

地址：

中環蘭桂坊德己立街17-19號地下   2530 1022