⑨ ❤ MediLASE GentleLase 755nm 激光脫毛中心 2014-05-25 Blogger Event ( 送 Trial Offer)

❤❤❤MM 在2014-05-25出席了

由 MediLASE GentleLase 755nm 激光脫毛中心舉辦的

「永久承諾 專業印證－星級Blogger分享會」, 

很開心可以近距離見到四位星級美容達人:

小B, 水魚, Hana 及 游游 :) 

但我認為最重要的是可以了解更多現今嶄新有關脫毛的資訊, 讓我大開眼界!❤❤❤

今次的活動是在尖沙咀的九龍富豪酒店舉行, 在尖東P出口, 

沿麼地道一直步行, 大約5分鐘就到達了! 十分方便! 

一到達會場, 先到接待處登記, 

在接待處後方有3個攤位 (工作人員手製棉花糖, 配合道具拍貼紙相和有專人替自己畫人像畫) 

聽說今次活動有四百至五百人參加, 難怪每條人龍都十分長! 

活動快要開始時, 大家都按號碼就座, 

可是我原先被編的枱都坐滿人了, 被逼轉到別的枱....

活動一開始先有六位Dancers出黎跳熱舞, 他們每個人都擁有白白滑滑的皮膚, 真令人羨慕! 

但最意想不到的是, 大會更請來羅鈞滿(Moon) 做司儀, 令場面生息不少!

之後, 請了Dr Lam出來作全天侯的醫學分析, 讓大家更瞭解MediLASE的激光脫毛與市面的激光

脫毛的分別。

稍後, 便是四位星級美容達人出場分享的時間...

首先上台的是#1 小B, 她真人十分瘦呢, 見到她手臂好幼! 

她與我們分享1.如何打造一個貼服的底妝 2.即場為MODEL化一個韓妝

小B帶出一個好重要的信息: 無面毛, 素顏時會更靚, 毛孔細緻!

我深深明白這個道理, 嗚嗚...因為我都成日比人笑我是男人...<<生鬍子>>

雖然遠看好似沒有什麼大不了, 但是一近看就好明顯了! 

第二位出場的是 #2 水魚, (對不起, 因你側了另一面, 所以拍不到>﹏<)

水魚跟大家分享她的1.生活習慣  2.護膚心得

她分享到若自行處理underarm 或 Bikini 部位的毛髮會使皮膚更深色, 

而且剃走毛髮, 更有機會使毛髮倒生, 到時侯問題會更嚴重呢! 

第三位出場的是 #3 Hana, 她分享了1. 護膚心得 2. 接受MediLASE 療程的感受 

最後更送了兩首自彈自唱的歌給大家~~ 跟你們分享吧~~

最後一位出場的是 #4 游游 , 她與大家分享潮流祕級

我之前都有看過她穿搭配襯衣服的相片, 十分美, 她是一個十分可愛的女生!

 她推薦 透視Pattern 都是最近十分熱撐的潮流服飾!

還提到Blue Green Macaron, 是我最喜歡的顏色之一呢!

送上各人的相片:

大會供應的食物:

聽過MediLASE 的分享, 我跟隨美容師去做Pro-test 分析自己的皮膚是否適合做激光

過程十分快, 分別打了兩下光在手臂, 不會感到有痛, 而且有凍風陪同

我真的有興趣參加激光脫毛, 特別是脫去上唇的礙眼毛髮, 

所以最後參加了上唇的永久脫毛 (當天參加更有半價的優惠, 十分吸引! )

當然了, 還想脫其他部位, 可是暫時未能負擔, 唯有遲下再作打算....

在離開前, 有工作人員派發 MediLASE GentleLase 755nm指定部位

( 可選上唇, 上肚線, 腋下, 手指) 激光脫毛療程1次的 trial offer

因為我已經參加了療程, 所以不能試做, 可轉送給有興趣的你們 (名額2位) 

麻煩你們電郵至 sweetybeautymm@gmail.com , 會寄到你們家 (/≧▽≦) 先到先得

截止時間: 5 June 2014

-------------------------------------------------------------------------------------------------

負責我個案的治療師Chloe, 她於活動後隔天便在whatsapp 聯絡我, 

由於昨天較空閒, 所以見字即查問是否可半小時後即刻上去做第一次療程....(人家心急嘛)

她的回覆十分快速呢! 時間 fit 曬!!!❤❤❤

我大約3點多上到MediLASE (在銅鑼灣金朝陽中心) 做了第一次上唇的脫毛......

下篇再分享自己的「脫」後感, 哈哈xd

以上為本人自費購買的產品, 屬個人觀點及分享, 只供參考, 不代表品牌立場

如需獲取更多產品資訊, 可聯絡品牌尋求相關意見

MediLASE 無痛激光脫毛科技(請按我)

MediLASE 無痛激光脫毛科技 Facebook 專頁 (請按我)

分享完畢, 多謝收看!!

❤❤歡迎你們留言, 一齊分享美麗資訊! ❤❤

❤❤找MM(妹妹)我（இω இ｀)

可email至: sweetybeautymm@gmail.com

⑧ (15 May~24 May) Fancl Deluxe Tense up 我的 膠原蛋白美肌 之旅 Level 1 (自費的,純分享感受)

大家好! 又係我MM(妹妹)!!

今次很想同大家分享下我的女神!! 

她就係劉心悠啦!!! 

我真的十分喜歡她! 樣子甜美,皮膚又靚, 而且運動不俗, 形象十分親民! ❤❤

所以我對她賣廣告的各個品牌都十分留意, 特別係Adidas 及Fancl ,haha^^

在五月中, 與友人行經CWB WTC 的Fancl 便入去看看, 

標榜純天然, 無添加劑, 讓我更有興趣....

我四圍睇, 又問東又問西,  Fancl 的員工都十分專業和有耐性, 一一解答我的問題呢!!

Fancl 的其中一位 STAFF @ Sandy 還幫我做左個皮膚分析, 發現到原來我的皮膚係暗藏不少

問題呢>.<  (感謝你的分析和意見!)

( 噢! 回家先發現照片不清楚呢!! )

反覆思量左幾次, 最後決定一次性購買3個月的Tense up 去挽救流失的膠原蛋白..(最主要原因係我的個案口服3個月較好,但其中一個原因係: 買9盒的價錢最優惠!哈哈! )

(最後在旺角店購買) 

其實...還敗了其他補充品,但稍後再分享吧! 

主要想記錄自己飲用左一盒 Fancl Tense up 10支裝的感受~~

我由2014-05-15開始飲~ 今日剛好是第10支呢!

我平日都在晚飯後飲用, 

主要原因係: 食飯後, 身體會分泌酵素, 幫助食物消化, 所以效果會更佳!

一入口, 會覺得有少少酸, 但屬於開胃的味道, 不算難飲, 

我飲左3啖就飲完 (心諗: 點解咁快既!!!)

飲左10日, 我覺得皮膚好似較平日好, 緊緻左 (不知是否心理作用) , 

持續飲用3個月後, 如果效果是預期內.... 就已經好開心....

但更希望...即使之後唔KEEP住日日飲; 或者一星期飲一支, 如果都可以保持到....咁就正啦!! 

昨天去了九龍灣門市, 取了第2盒 Tense up, 順便做埋 皮膚分析

左邊的圖片是臉型面珠墩部位 ;  

右上角 - 面頰部位

左上角 - 很明顯見到有三角紋理, 我睇CATALOG, 同飲用10星期後的圖片類似呢!!!( 暗喜) 

證明這部分的皮膚是有足夠的膠原蛋白

左下角 V. S 右下角 - 很明顯, 有黑色素積聚, 面頰是受色斑困擾

 右上角 - 三角紋紊亂, 近看圖片還有一粒粒白色的東西, 好像碎屑, 美容姐姐說是可能去角質步驟做得不夠好, 叫我多加注意)

好! 我已經紀錄左下次去Fancl 取第3盒 Tense up 的日期, 期待下次的皮膚分析!!

以上為本人自費購買的產品, 屬個人觀點及分享, 只供參考, 不代表品牌立場

如需獲取更多產品資訊, 可聯絡品牌尋求相關意見

【銷售點】：Fancl 專櫃

了解更多：http://www.fancl-hk.com/

❤❤找MM(妹妹)我（இω இ｀)

可email至: sweetybeautymm@gmail.com

或留言給我

⑦ ❤❤ Bye Bye Milk Peel「沙紙額」!!! 多謝 Co2 Oxygenation Gel mask 賜我光滑肌膚❤❤

大家好! 幾天沒有Update自己的皮膚狀況, 但今次想同大家講個好消息!!!

☼☼☼☼☼我光滑的額頭回歸啦!!!!!☼☼☼☼☼

其實自從做完最近個次MILK PEEL後, 我真的很擔心....

因為從未試過脫皮咁嚴重,而且原本光滑的額頭竟然變得十分粗糙,

所以我十分重視這件事。

皮膚狀況:

#第一張圖,額頭是十分乾,而且又有類似碎屑的東西。我不敢塗其他東西,只塗ALOE GEL...一日塗3.5.7次....但都係十分乾>.<

#第二張圖,是敷左美容院給我的Major CO2 MASK PACK。我敷左超過一個鐘,之後再按摩臉部,期望可將精華帶入皮膚底層,一路按,覺得呢種CO2 MASK真的很正! 很保濕! 引發我上網SEARCH下到底什麼是CO2 MASK先~~

什麼是CO2 MASK?

最初是由日本醫學界發現的傷口修復原理將二氧化碳傳送到皮膚底層細胞，達至平衡肌膚水份和油份、促進膠原蛋白,有明顯即時效果見到。

其實有好多品牌, 大家可上網找找, 再決定用邊隻, 哈哈XD

我留意到有很多人都推Mediplorer AA CO2 Mask,  但有點貴喔...(要好好考慮>.<)

正因為用過先知原來CO2 MASK咁神奇, 令我心思思去買黎繼續敷!

但美容院那種太貴婦, 我想搵一些價錢實惠啲!!~~~

我去左某間專買水貨的鋪頭睇下有咩醫學品牌的護膚品可挽救皮膚!

又破費啦, 嗚嗚~~

#1 La Suisse Hydra Soothing Oxygenation CO2 Gel Mask $20 EACH (有其他味道和功效)

#2 Dermaceutic Hydratant Intense Moisturizer $390 EACH ( 聽她講原價要OVER $500呢!)

我猶豫到底好冇買的時侯, 店員便話會送我2支日本精華, 她話配合使用效果更佳!)

如是者,我就敗了回家,但最緊要都係皮膚可以快啲好番!!!

我用指腹以點壓的方式塗上

STEP1: Dermaceutic Hydratant Intense Moisturizer 

STEP2: Aloe Gel

每當皮膚一吸收和接近乾的時侯,我會重覆以上步驟地使用, 當日我塗上10次以上!

晚上回家, 又敷了La Suisse Hydra Soothing Oxygenation CO2 Gel Mask

我真的想同大家分享一下呢種CO2 Gel Mask, 與我之前用的完全不一樣....

我先將CO2 POWDER 混合 GEL, 再敷上MASK,

我一路敷,一路都聽到泡泡的聲音, 一敷上去,一開始會有少少刺刺地的感覺, 之後, 皮膚緩和很多, 最特別係, 泡泡會凝固左, 貼係臉上不動呢! 我用挖捧挖走迎分泡泡,見到入面仲有點GEL,所以我同樣以按的方式按摩臉部, 質地好似MOUSSE! 當我一停止按,泡泡又會繼續發揮作用!

一洗面後, 覺得皮膚很FRESH! 而且有那種DEEP CLEAN的感覺!!!意想不到的效果!

我諗之後, 我都會回購呢! $20/EACH可以做到一次深層清潔,都幾抵啊!

以下係我呢幾天的日常護理程序, 讓皮膚休息一下嘛^^

分享完畢, 多謝收看!!

❤❤歡迎你們留言, 一齊分享美麗資訊! ❤❤

找MM(妹妹)我（இω இ｀)

可email至: sweetybeautymm@gmail.com

⑥ 跟進 Milk Peel後「沙紙」皮膚 + 觀Spiderman 2+bad Neighbors後感

更新: MILK PEEL後2天~

這是今天起床後的皮膚情況, 「沙紙」位仍存在, 似乎我塗什麼都不吸收...有點絕望...(((如果唔係約左朋友, 我連家門都唔想出....)))

但無論如何, 都要搵方法解決...所以我今日打電話去美容院求救... 對方叫我上去讓她看一看皮膚情況....(可能因為皮膚敏感, 心情都較起伏, 一開始在電話與她溝通的時侯, 我覺得自己講野有點急和 激動...)

一上到去, 我解開「面紗」展示真面目...與美容院的一位姐姐講解當日做FACIAL的情況

對方十分耐心地解釋和安撫我, 之後我都冷靜落黎...

最後, 她給了兩包MAJOR CO2 GEL PACK我, 並提醒我今晚和明晚都要敷半個小時以上...

[美容姐姐話呢包GEL原價價值$200, 因經了解後知道可能PEEL的時間耐左, 外加可能自己本身皮膚乾, 所以FREE給我。另外, 她話為左令我放心, 之後的TREATMENT都係由她操刀]

我今晚和明晚都會乖乖敷上, 真的希望皮膚可以快啲好番...

-------------------------------------------------------------------

當心情不好, 睇電影可能係一件不錯的事呢, 可暫時放下心中所憂慮的事....

這個星期睇左2套電影, 個人覺得兩套都不錯。

1. Spiderman 2 一定睇3D啦！ 一路睇住佢係高空飛黎飛去，好似置身其中咁，紐約的地帶完全在自己的視線範圍內呢！而且愈睇愈覺得珠珠俠好有型，一舉手一投都盡顯魅力。珠珠俠今次對抗的對手係電魔，如何解決? 與珠珠俠結下恩怨的綠魔與病重但隱藏驚天秘密的好友又有什麼關係? 珠珠俠同女友的關係又因女友爸爸的死而複雜化，最後更不忘自己父母親忽然離佢而去，至今仍生死未卜的事。千絲萬縷的人與事，令珠珠俠不知所措。結局有點意想不到...

期待spiderman3!!!!

2. Bad Neighbors 一對已育有一名QQ BB女的夫婦max and kelly遇上晚晚開P蒲天光既泰利和一群大學生們，要學生們乖乖收聲又點可能呢？keep quiet? No way! 比泰利知道有人報警投訴，當然就係嬲爆啦! 一班大學生反擊下，同時引爆了QQ女 夫婦的極限，以其人之道還治其人之身!? 混入大學生堆中出盡混身解數以求解散以泰利為首的學生會。兩大對決同時考驗到泰利與兄弟間的友誼，QQ女夫婦間的感情，當中有笑亦有淚。最後a&f泰利與max在街中相遇，大家化敵為友，從此都就安靜了。

-------------------------------------------------------------------

[ 有時無論幾努力去做一件事, 最後都可能失敗, 但曾經嘗試, 亦無悔無怨...有時侯, 不要太著眼一個點, 失去就失去, 不要太執著 , 人都會舒服點 ]

❤❤找MM(妹妹)我（இω இ｀)

可email至: sweetybeautymm@gmail.com

⑤ Milk Peel 後呵護敏感、粗糙肌膚 , 保濕少不了

話說昨日做完MILK PEEL 後, 皮膚乾到無朋友...

我嘗試厚敷ALOE GEL MASK, 但係皮膚仍然泛微紅而且十分極度乾,摸落去,手感比沙紙仲粗糙 (想哭!)

我晚上只是塗了美容姐姐給的SERUM,另外塗上CREAM就瞓覺~

今早起床的樣貌都係不堪入目.....-_-'''

1. 額頭左右門神, 有2處異常十分粗糙, 缺水程度可媲美沙紙!!!!

2. 下巴更有脫皮現象...而且仲好似有黑色素咁....(?) 缺水程度可媲美沙紙!!!!

早上只係簡單地塗上ALOE GEL, SERUM & SUNBLOCK就戴口罩出門了

晚上, 我要保濕!!!

首先開左支Lora Lisa Rose Flower Water(朋友送的). 再用SASA買的5合1化妝綿敷全面!!!

目的是讓皮膚無咁DRY~~

而且常聽說ROSE WATER可有效緩和敏感和泛紅的問題....

當我FEEL到化妝綿開始乾(皮膚吸曬ROSE WATER時) 我又即時再噴!!!

如是者,我重新噴左2次! 有少少幫助,冇之前咁乾

好!睇下屋企有咩MASK岩用先~~~比我搵到它!!!咁就試下啦~

DEWYTREE ALOE POWER SOOTHING MASK SHEET

一拎出黎,我覺得有好多精華~

我的小習慣: 我會將保鮮紙貼在MASK上面(產生熱力,覺得讓精華更吸收呢!)

用用下電腦,不知不覺就敷左1個鐘...但神奇地係, MASK仍有十分多精華呢!!!

用後,雖然,「沙紙位」仍然存在,

但我覺得呢個DEWYTREE 青瓜MASK真的可紓緩皮膚,讓它降溫呢!

我將精華塗埋落頸同手臂上~~之後就塗上SERUM, CREAM~~~

希望皮膚可以快啲 正常番,嗚嗚>.<

❤❤找MM(妹妹)我（இω இ｀)
可email至: sweetybeautymm@gmail.com

④ Facial - 第6次 Milk Peel 之 去斑 敏感了

我本身皮膚好薄, 而臉上的色斑總是十分礙(養)眼, 總係想將它地統統清走!!...

塗左BB + CC Cream + Concealer , 仲係好明顯會見有斑, 好煩惱!!!!

某天, 去某間美容院試做FACIAL時, 佢地建議我做MILK PEEL, 話適合我皮膚, 

頭一次FREE比我試做, (講真!)第一次做完,皮膚真係勁亮麗, 而且她地講得好好咁, 所以我就即刻JOIN左!

MILK PEEL $500一次, TOTAL 10次為一個PACKAGE, 即$5000(其實好貴啊!!!!!!!!但一心希望可以清走斑斑....無辦法)

我頭個5次都係隔2個星期做一次, 今次係第6次(因有事,隔左3星期再做)

今次去到先係卸妝,之後就即刻MILK PEEL, 我想講今次的唔同係.....

她幫我塗左一層後,再塗多層厚!!!!!!!!

而且無用TIMER就走左去, 等左大約4-5MINS再入番黎。

期間,其實我都FEEL到今次D 果酸份量好似多左....

之後問番她,她話果酸無分幾多度(但之前又同我講有?) 她又話份量冇特別(但明明就塗多層)

我同她講我係皮膚係薄的類型(但其實都睇得出啊?) 她話:係咩??! (我呆左....)

可能今次因為塗得太厚,用化妝綿抹左不下7-8次全面,我仍覺得好"那"同"刺"痛! (心諗:死火!會唔會BURN左?)

之後,FULL左陣ALOE MASK....再補脫墨

我臨走前, 她幫我拍左幾下TONER, 她話宜家皮膚最好咩都唔好塗

但我話: 我塊面真係好"那", 之後她就幫我抹走TONER,再塗上CREAM....

她見到我下巴有少許脫皮同額頭紅紅地, 拎左2包Exuviance Bionic serum比我,話塗下就好....

我除左應她: 好...之外,我都唔知可以講咩....(但真係好"那".....)

回到家後,皮膚FEEL到熱辣辣, 沖完涼即時塗ALOE GEL....但仍然好紅,好唔開心啊,嗚嗚....點算好!!!!!?

❤❤找MM(妹妹)我（இω இ｀)

可email至: sweetybeautymm@gmail.com

③ 補 ㊗ 生日 餐廳 旺角 The Live House ♫♬

經常都煩惱男女朋友 / 家人 / 好友 生日去邊度食飯?

嫌放題,韓燒冇新意, 不如試下新野?

5月份係MM(妹妹)我生日, 一班好友今日同我補祝生日, 

餐廳 The Live House 在旺角,而且鄰近地鐵站, 十分方便! 想同大家分享!

入到去, 全間餐廳的燈光都調到昏暗, 都幾有情調

可能在平日去, 我地比預定時間遲左10分鐘都幫我地HOLD起張枱...哈哈

在餐廳的舞台上,有一個自彈自唱的朋友在表演呢!

一入到去睇MENU, 大家都一致同意叫個4人套裝

可自選3個前菜, 3個主菜,每人一餐湯+飲品+甜品

先來一杯花茶的飲品 ( NICE!)

再黎餐湯 (幾好飲! 唔會好稀)

 附有一人一條大大支餅干送湯

#1 前菜 啤酒青口, 一人有2隻

#2 前菜  雞翼併盤 ( 水牛城, 蜜糖, 柚子蜜各2隻)

#3 前菜  Live House 什錦拼盤 (芝士雞卷, 牛肉露荀卷, 煙肉龍俐柳卷)

其實同行的3位朋友都唔係大食之人,佢地話食完頭3個主菜已經FEEL到飽飽地-00-''

我地在進食途中,表演者應該係受托其中一位客人的請求唱左首英文生日歌

跟住待應就拎左個插左爉燭的蛋糕仔給一枱客人....

其實都幾SURPRISE, 大家可以考慮送番首歌比另一半, 哈

主菜 #4 (什錦海鮮PIZZA)

 剛剛烤好的, 熱騰騰的~~

你睇下幾CHEESE!!!

#5 香草魷魚墨魚麵

食到排口黑曬...第一次約會就...XD

#6  德州烤醬肋骨配薯蓉

因為我不食紅肉,所以都無試到呢個...

食飽飽? 未!

DESSERT TIME!!!!

因為友人之前係OPENRICE訂左位,所以會送一客甜品!!!

它就係冰火鐵板朱古力心太軟, 簡直wonderful! 會有朱古力醬倒係雪糕上,
再流落去鐵板上,會發出煎東西的聲音,好得意啊!

最後還有一客自己的甜品-一球雪糕, 大家都飽到一個點就係...好飽,哈哈!

最後,結帳連加一 一個人都係HK$173

我覺得價錢相宜, 而且招呼服務、環境氣氛都不錯, 所以大家有機會可以試下...

剛剛搜尋它們的網上資料,發現拍低係livehouse食飯的MOMENT，即送50元現金券呢!

參考: Livehouse Facebook: https://www.facebook.com/TheLiveHouse

歡迎大家留言一齊CHAT下:)

其實今日仲去左FANCL 掃貨, 稍後與大家分享!

❤❤找MM(妹妹)我（இω இ｀)

可email至: sweetybeautymm@gmail.com