Monday, October 19, 2015

初次入大坑.野生捕獲珍寶龍蝦仔

朋友住在港島區, 我們經常相約見面和食晚飯.
她是一名正宗的食貨, 當然知道有什麼心水和推薦食店.

最近一次見面的地點就選了靜中帶旺的大坑.
當天她就滿心歡喜說要帶我去一間連她自己都期待已久但又未試過的餐廳開餐!

印象中記得, 這次是我初次在大坑食晚餐呢...我都很期待呢♥

我們相約由天后步行前住位於大坑的The Pudding Nouveau,
猜不到原來由中央圖書館行過去的路程只需大約10分鐘, 大坑沒有想像中的遙不可及.

我們選了較入的枱, 較近廚房重地, 可以偷窺一下食物的製作過程嘛 :)

我們都餓了~ 立即拿起餐牌先選主菜, 我見到有珍寶龍蝦仔雙眼即時發光. 仲配牛角酥和薯條, 真係挺正的組合!

首先要讚讚呢個牛角酥的表層, 焗到金黃色脆卜卜, 賣相絕對係100分!
一咬落去, 真係好酥脆鬆軟. 牛油和麵包的比例剛剛好, 層次感仲好分明和細緻^_^

牛角酥包面烤到香口酥脆, 一切牛角酥個刻, 感受到酥鬆軟身的包身承拓了刀面的力, 麵包香脆得黎又唔會好似坊間牛角包咁難切, 不費吹灰之力就可以將外酥內軟的牛角酥一分為二!

海量小龍蝦混上沙律醬, 蕃茄和沙律菜做配菜, 餡料真係好豐富, 口感清新.

薯條既熱度剛剛好, 炸到好香脆可口, 配上Black truffle mayo醬, 鹹香味出眾, 食到好滋味. 
重點係有好多黑松露醬, 添上綠色香草陪襯, 顯得呢個龍蝦堡好 sharp 醒又夠 Fresh.

雖則肚餓掛住食Main Dish, 但我都無忽略身邊呢杯誘人的士多啤梨奶昔.

The Pudding Nouveau 這杯士多啤梨奶昔一次過滿足我兩個願望, 一小匙奶昔混上一小啖雪糕, 好似飲杯Creamy奶, 又似食緊甜品, 好岩我呢個嗜甜女生.
士多啤梨味雪糕好濃郁, 鮮草莓口味奶昔甜度適中, 又唔會黏喉, 奶味濃又香滑. 飲品匙的設計很貼心!用完仲可以掛在杯上, 不會整到匙柄位笠痴痴.

晚餐總眷戀甜品時間, 我選了一個較 Light 的甜品---梳乎厘(Soufflé).
我喜歡用白瓷碟盛載甜品, 加上梳乎厘, 整體賣相給人很純美潔白.
一與這個梳乎厘碰面, 就被它既外型所震懾了...點解會發得咁鬆咁軟?! 是高材生?! XD

焗到個梳乎厘有個堅挺的「外殼」, 一用匙吉落去, 內層的蛋白就鋒芒畢露.
有種感覺好似食緊燉蛋白, 好香蛋白味, 又夠滑溜, 奶、糖、忌廉的份量和比例很完美XD

再來一口Vanilla味的雪糕, 冷熱交融的口感, 更突出梳乎厘那種仿如海綿蛋糕的柔軟細滑.


結語:
這間店的甜品均自家研製 (Handmade), 嘗得出愛心誠意兼且好味道 :)
下次會再與朋友來試試其他的 Set & Dessert ♥♥

The Pudding Nouveau
地址: 京街17A地下    3585 7325

No comments:

Post a Comment