早前與一班朋友去九龍灣唱K加睇戲, 玩足成日.
晚上, 其中一位住九龍灣的朋友還帶我們去食半自助的泰國火鍋.
SIAM AI Fresco Dining是鳴門集團旗下的餐廳,
位處國際交易中心, 搭電梯上到二樓再穿出去戶外便到達.
餐廳的環境寬敞明亮, 亦有卡位設計, 坐得都幾舒服, 目測可容納大約80人.
餐廳中間有自助沙律吧、醒胃小食、甜品、串燒及咖喱角無限供應.
仔細看看, 原來有個Area可自由調製自己專屬的"謂味角", 有泰式雞醬、沙嗲醬等.
選了沙律還可調配自己喜歡的的醬汁
這個半自助的泰式火鍋有三種湯底可選, 我們點了微辣又重椰汁味的椰汁雞湯作湯底.
待應生提醒我們可以先飲用湯底, 椰青雞湯是微辣, 加上椰汁味超濃郁, 推介!
紙上除另外列明的火鍋配料, 全部都任食任點.
這是餐廳送的海鮮拼盤(泰式蝦拼帆立貝), 好新鮮!! 蝦大大隻, 可以直程當刺身食!
食泰國菜, 怎可以少得椰青, 我們還點了鮮椰青$28, 椰汁好清甜冰凍.
啖啖椰果肉先是精粹, 我會密密摌走D椰肉~
我們Tick了好多打邊爐的配料, 持續不斷為我們遞上呢~
全部都係我鍾意的火鍋配料, 墨魚片和芋頭超正!
乾炸的響鈴是必選美食!
龍蝦丸、獅子狗卷
札肉、午餐肉...
甜點時間, 有我喜歡的泰式千層糕, 一共有七層, 煙韌好Q彈~大菜糕入口爽滑, 充滿冰凍的感覺~
<$18必點> 芒果椰汁糯．米飯 $18, 溫熱紫糯米好煙韌, 配上海量芒果粒, 好滋味!
原來有咁多美食聚集在九龍灣的國際交易中心, 下次要試試其他餐廳!
SIAM AI Fresco Dining
No comments:
Post a Comment